Dalstunnilin letur upp 18. juli

Leygardagin 18. juli klokkan 14 verður hátíðarhald í sambandi við, at nýggi Dalstunnilin letur upp fyri almennari ferðslu. 

Hátíðarhaldið verður við tunnilsmunnan í Dali.

Landsstýrismaðurin í vinnu- og samferðslumálum, Jacob Vestergaard, og Anna Paulina Leo Olsen, borgarstjóri í Húsavíkar kommunu, halda røðu, og Havnar hornorkestur spælir.

Tá snórurin er kliptur, verður tunnilin í stigum latin upp fyri almennari ferðslu. Landsverk og Húsavíkar kommuna bjóða øllum til drekkamunn og hugna í Dali aftaná.

Áðrenn hátíðarhaldið verður, í samstarvi við Bragdið og Tórshavnar Súkklu- og Triathlonfelag, høvi at renna ella ganga og súkkla ígjøgnum nýggja tunnilin úr Húsavík. Tað byrjar kl. 13.20 við tunnilsmunnan í Húsavík. 

Dalstunnilin er 2219 metrar langur. Stórt parkeringsøki er eisini gjørt í Dali.