Forboð virkar illa

Í Avstralia settu mynugleikarnir í desember forboð í verk, so ung undir 16 ár ár ikki skuldu brúka sosialar miðlar.

Men nú vísir ein kanning, sum varð gjørd fyrstu tríggjar mánaðirnar eftir forboðið kom, at tað virkar illa, tí tølini siga, at 8 av 10 ungum framvegis brúka sosialu miðlarnar, skrivar Danmarks Radio.

Forboðið umfataði miðlar sum Tiktok, Snapchat, Instagram, Facebook og YouTube. 

Tað eru fyritøkurnar aftan fyri miðlarnar, sum skulu syrgja fyri, at børn ikki sleppa at brúka teir. Ein orsøk, at børn framvegis brúka miðlarnar, er millum annað, at feløgini ikki megna at fáa aldurin váttaðan. 

Helvtin av teimum ungu hevði ongan fyrispurning fingið um aldur, meðan onnur bara høvdu upplýst, at tey vóru eldri.

Í juni boðaði avstralska stjórnin frá, at bøturnar til sosialu miðlarnar verða hækkaðar, um teir ikki gera sær ómak at halda tey ungu burtur. Miðlarnir kunnu vænta sær bøtur upp til 450 milliónir krónur.