Hartar landsstýrið fyri ov vánaliga kunning

Jenis av Rana, tingmaður fyri Miðflokkin og limur í Uttanlandsnevndini, finst hvassliga at landsstýrinum, fyri ikki at hava kunnað nevndina nóg væl um eina komandi verjuavtalu millum Føroyar og Danmark.

Í orðaskiftinum í Løgtinginum í dag vísti hann á, at Uttanlandsnevndin átti at fingið betri kunning, nú danski uttanríkisráðharrin, Jeppe Bruus, hevur boðað frá avtaluni.

Jørgen Niclasen, formaður í Uttanlandsnevndini, er tó ósamdur. Hann heldur, at landsstýrið í hesum førinum ikki hevði skyldu at kunna nevndina, og sambært honum byggir málið á eina misskiljing.

Jenis av Rana vísti eisini til eitt skriv frá Løgtingsskrivstovuni, sum limirnir í Uttanlandsnevndini hava fingið í sambandi við broytingar í Tingskipanini. Bæði hann og Jørgen Niclasen vísa til ásetingarnar í stýrisskipanarlógini, men tulka tær ymiskt.

Sambært Jørgeni Niclasen snýr málið seg eftir øllum at døma um óneyva kunning frá danska uttanríkisráðharranum, heldur enn um vantandi kunning frá landsstýrinum.

Hoyr innslag í tíðindinum á nátturða: