Lívið eftir krabba: Vitan um seinárin haltar

Fleiri og fleiri, sum hava havt krabbamein, gerast frísk.

Tað merkir samstundis eisini, at alt fleiri liva við seinárinum. 

Karin Dahl fekk staðfest krabbamein fyri seks árum síðan, og í dag stríðist hon við eitt nú hoyri- og tannskaða.

Í nógvum førum upplivir hon, at hjálpin ikki er nóg væl skipað.

Jansy Gaardlykke er dagligur leiðari í Krabbameinsfelagnum, og í hennara dagliga virki sær hon ein stóran tørv á at raðfesta bæði hjálp og kunning á økinum. 

Ein endurmenningareind er ein loysn, sum bæði Karin Dahl og Jansy Gaardlykke eftirlýsa, tí tørvur er á at hava vitan savnaða á einum stað.

Hetta er nakað, sum riggar væl eitt nú í Danmark, har tey hava sonevndar seinárinsklinikkir.

Í krabbameinsætlanini 2022 stendur skrivað, at ein endurmenningareind er nakað, mann vil seta í verk fyri at lofta teimum við seinárinum. 

Og spyrt tú Karina Dahl er hon ikki í iva um, at ein tílík eind hevði givið henni orkuna at komið fyri seg bæði betur og skjótari.