Vága floghavn fór aftur um bakið á Smyril Line

Tað er langt úti, at eitt alment partarfelag vísir so vánaligan handilssið.

So bersøgin er Rúni V. Poulsen, stjóri í Smyril Line, nú tað er komið fram, at Smyril Line átti besta boðið upp á tollfríusøluna á flogvøllinum, ið Vága floghavn í fjør bjóðaði út.

Smyril Line veitti Vága floghavn trygd fyri 10 milliónir krónur um árið næstu fimm árini fyri tollfríusøluna.

Men sambært stjóranum í Smyril Line, fór Vága floghavn aftur um bakið á teimum til undirveitaran hjá Smyril Line, norska Heinemann, áðrenn Vága floghavn strikaði útbjóðingina, og sjálv átók sær tollfríusøluna.

Jákup Sverri Kass, sjóri í Vága floghavn, hevur í dag onga viðmerking til atfinningarnar hjá Rúna Poulsen, stjóra í Smyril Line.