Fleiri fólk og fleiri lønir

Starvsfólkaskarin veksur framvegis, men seinastu árini er vøksturin viknaður. 

31.102 fólk vóru í tí, Hagstovan kallar starvsfólkaskarin, í juli, 505 fleiri enn í juli í fjør.

Vøksturin er 1,7 prosent.

Talan er um 16.000 menn og 15.000 kvinnur.

Vøksturin hetta seinasta árið er fýra ferðir størri hjá monnunum. 

Fólk uttan bústaðartilknýti eiga størra partin av vøkstrinum.

Í juli vóru tey sløk átta prosent av starvsfólkaskaranum. 

Tey vóru 2.343. 

Triðja hvørt starvsfólk uttan bústaðartilknýti starvast í framleiðsluvinnuni.

Fyri at hava bústaðartilknýti skal fólk hava búð helvtina av lívinum ella sjey av 10 samanhangandi árum í Føroyum eina ferð í lívinum. 
 

Yvir 14 milliardir í lønum

14,2 milliardir vóru goldnar í lønum seinastu 12 mánaðirnar.

Vøksturin er 6,1 prosent, 803 milliónir krónur.

Hjá monnum er hann sjey prosent og hjá kvinnum fimm prosent. 

Botnfiskiveiða átti slakan triðing av lønarvøkstrinum.

Menn fáa meira í løn enn kvinnur.

Teir fáa 62 prosent.

Í lønarvøkstrinum áttu teir 68 prosent.