Evropeiska summarið endaði við vónbroti

KÍ verður ikki við í Conference League-deildarspælinum í heyst. 

Í gjár taptu klaksvíkingar 2-1 fyri Riga FC í seinna røkkstøkk-dystinum, og við tapinum hvarv møguleikin at sleppa í deildarspæl fyri aðru ferð.

KÍ skuldi vinna onkursvegna, men fekk eitt skot fyri bógvin, tá Reginaldo Ramires legði heimaliðið framum beint eftir steðgin. Hetta var í samsvari við leikgongdina, tí heimaliðið var greitt omaná fyri steðgin. 

Klaksvíkingar raknaðu við aftur eftir hetta, og miðskeiðis í seinna halvleiki javnaði Páll Klettskarð við sínum 16. evropeiska málið eftir gott KÍ-spæl.

Eitt korter fyri leiklok fekk Andres Salazar reytt kort, men KÍ megnaði ikki at gera sær dælt av yvirtalinum. Í staðin avgjørdi Salah Oulad dystin beint fyri leiklok.

Nakrar minuttir seinni var greitt, at bólkaspælið í 2023 framvegis stendur sum tað einasta hjá einum føroyskum felag, og at KÍ nú skal savna seg um steypafinaluna og dystin um meistaraheitið.