66.000 ferðafólk um flogvøllin í august

66.169 ferðafólk vóru á flogvøllinum í Vágum í august.

Tað eru 9,2 prosent fleiri enn í august í fjør.

Til 1. september vóru ferðafólkini 359.348, 6,9 prosent fleiri enn í fjør.

Bæði farmur og postur vóru minni í august í ár sammett við august í fjør.

Farmurin var nógv minni, 61,7 prosent.

Posturin var bara 2,8 prosent minni.

Til 1. september var tó vøkstur, 11,6 prosent hjá farminum og fýra prosent hjá postinum.