Føroyameistararnir í sandflogbólti funnir

Fyrstu føroyameistararnir í sandflogbólti vórðu funnir um vikuskiftið.

Eftir seks FM-stevnur í summar, vórðu finalurnar spældar í Koksinum í Fuglafirði.

Hjá monnum vunnu Bjarni Larsen og Oleksandr Dmytriiev kappingina. Teir báðir vunnu stórsigur á Jónstein Jacobsen og Sofus B. Mortensen við settúrslitunum 21-13 og 21-7. Kaj Johannesen og Elias B. Jensen gjørdust nr. 3 í samlaðu kappingini.

792440896_869855569421155_7959413779312699203_n.png.jpeg

Frítekst tagging: 

Ítróttur

Flogbóltur

FM í sandflogbólti

Sandflogbóltur

Jakobina og Milja bestar

Jakobina Joensen og Milja Silvansdóttir vóru bestar hjá kvinnum.

Tær báðar, sum vanliga spæla við KÍF, vunnu 2-0, men munurin var ikki eins stórur og hjá monnum. Settini endaðu nevniliga 21-15 og 21-19.

Hetta var fyrsta árið, at Flogbóltssamband Føroya skipaði fyri FM í sandflogbólti, sum eisini verður at síggja á oyggjaleikunum næsta summar.