Géza fekk dreymamál í sigri á oddaliðnum

Tað eru fáir dagar síðan, at Géza Dávid Turi var kosin besti spælarin hjá Grimsby Town í august.

Í dag varð lagið hjá landsliðsmiðvallaranum upp aftur betri, tí hann skoraði sítt fyrsta mál fyri League Two-felagið; eitt dundurskot upp í málhornið úr 25 metrum.

LES EISINI: Géza Dávid Turi bestur í Grimsby

Málið kom fimm minuttir fyri steðgin, og so var 2-0 til Grimsby Town ímóti oddaliðnum Bristol Rovers.

 - Tá eg fekk bóltin, hoyrdi eg viðhaldsfólkini rópa á meg at skjóta, so eg royndi meg bara. Tá eg so bóltin fara upp í málhornið, var eg so glaður. Eg havi bíða eftir hesum í langa tíð, segði Géza Dávid Turi við miðlarnar hjá felagnum.

Géza Dávid Turi viðgekk, at hann kanska átti at havt skotið eitt mál afturat, men var væl nøgdur við heimasigurin, eftir fýra javnleikir í landskappingini á rað.

Grimsby Town kom upp á 6. pláss við sigrinum og er bert tvey stig aftanfyri oddaliðini Barnet og Bristol Rovers. 

 - Eftir allar javnleikirnar, sum vit hava spælt, mátti vit vísa, at vit hoyra heima í toppinum, og avrikið var so gott, sum tað kundi vera, segði føroyski landsliðsmiðvallarin eftir dystin.

Mánadagin verður føroyska manslandsliðið kunngjørt, og tá verður fyrrverandi víkingamaðurin ivaleyst á listanum hjá Eyðuni Klakstein.

Her er eisini ein samrøða við Géza Dávid Turi eftir fyrsta málið: