Géza Dávid Turi bestur í Grimsby

24 ára gamli Géza Dávid Turi er valdur til besta spælara í Grimsby Town í august. Tað er ein staðfesting av, at føroyski landsliðsspælarin hevur funnið seg til rættis í enskum fótbólti. 

Grimsby Town FC spælir í League Two, sum er fjórðbesta deildini í Onglandi. Eftir fimm umfør er Grimsby enn ósigrað, men tað er bara blivið til ein sigur. Hinir fýra dystirnir eru endaðir við javnleiki. Tríggjar ferðir hevur úrslitið verið 2-2.

Størstu rósirnar fær Géza Dávid Turi fyri avrikið móti Fleetwood Town. Í dystinum má gøtumaðurin átaka sær ein lut í øðrum av málunum hjá Fleetwood, men hann eigur eisini eitt framúr upplegg til mál.

geza_grimsby_2026.jpeg

Frítekst tagging: 

Grimsby Town

Gezá Dávid Turi

Eftir dystin fekk hann rós bæði frá almennu heimasíðuni hjá Grimsby Town og á fjepparasíðuni Cod Almighty. Hann bleiv valdur til dagsins spælara og hevur nú eisini fingið heitið sum besti spælari í august mánaði.

Grimsby spælir í morgin móti Bristol Rovers í League Two.