Línuskip fáa kvotuna á Flemish Cap

Línuskipini fingu í gjár loyvi frá Fiskimálaráðnum at fiska føroysku toskakvotuna á Flemish Cap í ár. Kvotan er 3.246 tons.

Nøkur fiskiloyvi eru longu skrivað.

Fiskimálaráðið hevur ikki býtt kvotuna millum línuskipini. Tey hava loyvi til at fiska av felagskvotuni til kvotan er uppi.

Línuskipini høvdu góðan fiskiskap á Flemish Cap í fjør. Men fiskiloyvini komu so seint, ikki fyrr enn seint í apríl, at skipini høvdu ikki rættiliga stundir at fyrireika seg til fiskiskapin á fjarleiðum.