Grønland vil eisini hava limaskap í WTO

Grønland ætlar nú eisini at søkja um limaskap í WTO, heimshandilsfelagsskapinum.

Men semja er ikki í landstinginum um mannagondina.

Flokkurin Demokraatit hevur uppskot um limaskap.

Men landstingið hevur samtykt eitt broytingaruppskot frá landsstýrinum.

Landsstýrið vil fyrst gera ein frágreiðing um fyrimunir og vansar við limaskapi.

Hon skal vera liðug næsta vár.

Vilja fyrireika umsókn alt fyri eitt

Flokkurin Naleraq vil fara í gongd við at fyrireika umsóknina um limaskap alt fyri eitt.

Grønland er við í WTO, tí Danmark er limur har.

Men Danmark er eisini í ES. Tað er Grønland ikki.

Danmark hevur latið ES handilsmálini.

Og Grønland er sjálvstøðugt tolløki.