Biðja fyritøkur og stovnar um at kanna vitlíkistilfar

Áhugafelagið Samskifti heitir nú á fyritøkur og stovnar um at kanna tilfar, sum er framleitt við vitlíki gjølla, áðrenn tað verður tikið í nýtslu.

Hetta er fyri at tryggja, at tilfarið ikki ger seg inn á upphavsrættin hjá øðrum.

Vitlíkisskipanirnar eru lærdar upp við stórum nøgdum av tilfari, og úrslitið er ikki altíð so upprunaligt, sum tað kann tykjast.

Búmerki, slagorð, maskottar og annað tilfar kunnu tí liggja tætt at samleikum, sum onnur hava brúkt nógva tíð, orku og pengar upp á at menna.

Hetta er spell, og kann í ringasta føri enda við rættarmáli, sigur Micahel Koba, formaður í Samskifti.

Hoyr innslag í útvarpstíðindunum: