- Tíðindi, mentan og ítróttur
16 útbúgva seg til kommunulækna
16 útbúgva seg til kommunulækna
Marin Kristina í Dali bleiv liðug við útbúgvingina sum serlækni í almennum medisini í gjár
Marin Kristina í Dali (við blómutyssinum) er nýggjur serlækni í almennum medisini.
Mynd: Landssjúkrahúsið
20.10.2026 - 07:57
Kommunulæknatrot er summastaðni í Føroyum.
Men í løtuni eru 16 læknar í útbúgving til kommunulækna í Landssjúkrahúsinum.
Marin Kristina í Dali bleiv liðug við útbúgvingina sum serlækni í almennum medisini, sum kommunulæknar kallast, í gjár.
Næsti læknin verður eftir ætlan liðugur 30. november.
Og tríggir læknar vera eftir ætlan lidnir næsta ár, skrivar Landssjúkrahúsið.
Í Føroyum er útbúgving av serlæknum í almennum medisini skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.
Í løtuni eru sjey kommunulæknastørv leys at søkja.
Er kopiera
Nýggjastu sendingar í ÚV
Nýggjastu sendingar í SV
