Føroyskar heimasíður skulu rigga, um einki samband er út í heim

Føroyskar heimasíður skulu rigga, um einki samband er út í heim
Talgilda haldførdið í Føroyum er styrkt. Tað sigur í øllum førum Økisnavn.fo, sum hevur ábyrgdina av føroyska navnaøkinum, altso heimasíðum, sum enda við punktum fo.
29.10.2026 - 19:28

- Vit hava sett ein I-root-semvara upp í Føroyum fyri at tryggja talgilda mótstøðuførið enn betur.

Tað sigur Guðrun Poulsen, stjóri í Økisnavn.fo. Føroyskar heimasíður hava vanliga eitt navn, sum endar við .fo.Tað er Økisnavn.fo, sum hevur ábyrgdina av føroysku økisnøvnunum.

Nýggi servarin, ella ambætarin, er partur av sonevndu DNS-skipanini. Tá tú skrivar ein URL-bústað í ein kaga, t.d. kvf.fo, finnur DNS-ambætarin IP-bústaðin hjá heimasíðuni. Kagin brúkar síðan IP-bústaðin til at fáa samband við ambætaran, har heimasíðan liggur, sum sendir heimasíðuna aftur til tín.

Og tað er álagt við lóg, at skipanirnar skulu rigga, eisini um sambandið við útheimin slitnar.

- Lógin áleggur okkum at tryggja, at .fo-sonan skal kunna virka, hóast sambandið við umheimin er burtur. Hetta er ein liður í tí.

Álopið av teldusníkum í 2018
Tað er ikki vandaleyst at hava DNS ella aðrar skipanir. Í 2018 brutu teldusníkar inn á nic.fo, sum tað æt tá.

- Vit vita, at nic.fo var úti fyri einum álopi í 2018, og síðan tá hava vit allatíðina arbeitt við at tryggja, at vit eru á teimum røttu skipanunum og at tryggja mótstøðuførið á .fo-sonuni.

Og Guðrun Poulsen dugir ikki at ímynda sær, at nakað líknandi hendur í dag.

- Tryggleikin er so mikið høgur í dag, at tað verður torført at yvirtaka DNS-tænasturnar handan .fo-landaøkið.

 

Sí innslag úr Degi og viku.

 
Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688