Kristina spyr um Strandferðsluna

Kristina spyr um Strandferðsluna
Johan Dahl, landsstýrismaður, vildi ikki svara munnligum fyrispurningi, og tí verða spurningarnir settir skrivliga
 
10.02.2014 - 09:50

Hví tók Vinnumálaráðið týðandi part av upplýsingum frá Strandfaraskipum landsins um avleiðingar av játtanini í fíggjarlógini fyri 2014, burtur úr tekstinum í fíggjarlógini fyri 2014?

Tað er ein av nógvum spurningum, sum Kristina Háfoss, løgtingskvinna í Tjóðveldi, vil hava Johan Dahl, landsstýrismann. at svara.

Tá munnligir fyrispurningar vóru í løgtinginum 29.januar, spurdi Kristina Háfoss eisini um Strandferðsluna og Vinnumálaráðið.

Men Johan Dahl svaraði ikki í tinginum. Hann bað tingkvinnuna spyrja skrivliga. Og tað hevur hon nú gjørt.

Tá munnligir fyrispurningar vóru í løgtinginum 29.januar, hevði Kristina Háfoss, sjey spurningar um fíggjarstøðuna hjá Strandferðsluni.

Nú spurningarnir eru vorðnir skrivligir, eru teir tíggju í tali.

Millum annað spyr Kristina Háfoss, hví Johan Dahl bað eina privata grannskoðarafyritøku grannskoða Strandfaraskip landins og ikki Lands-grannskoðanina.

Víst hevur verið á, at landsstýrismaðurin hevur hildið aftur týðandi upplýsingum fyri løgtinginum í sambandi við fíggjarlógar-viðgerðir, sigur Kristina Háfoss.

Eisini hevur verið víst á, sigur løgtingskvinnan, at Vinnumálaráðið hevur lagt trýst á starvsfólk hjá Strandferðsluni um ikki at kunna um avleiðingarnar av játtanini á fíggjarlógini fyrr enn eftir, at løgtingið hevur samtykt fíggjarlógina endaliga.

Hesum hava Vinnumálaráðið og Johan Dahl víst aftur.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442