- Tíðindi, mentan og ítróttur
NASA undrast á innlandsísin í Grønlandi
<div>Vanliga bráðnar nógv av ovasta partinum av ísinum um summarið og frystur so aftur um veturin. Men tað sum hendir í summar er, at óvanliga stórur partur av ísinum er bráðnaður eftir óvanligari stuttari tíð.</div><div><br></div><div>Granskarin, Son Nghiem, gjørdist sera kløkkur, tá hann kannaði upplýsingar, sum NASA hevði fingið frá fylgissveinum, tí ísurin bránaði við rúkandi ferð.</div><div><br></div><div>- Hetta var so serligt, at eg fyrst setti spurnartekn við úrslitið. Var tað rætt ella var okkurt brek í upplýsingunum, sigur Son Nghiem í tíðindaskrivi frá NASA. Men kanningar seinni hava staðfest, at niðurstøðan hjá granskaranum er røtt. </div><div><br></div><div><b>Bráðnaði óvanliga skjótt</b></div><div>8. juli vóru 40 prosent av ísinum bráðnaðir. Fýra dagar seinni - tann 12. juli- vóru heili 97 prosent av ísinum bráðnaðir.</div><div><br></div><div>Orsøkin til umfatandi bráðningina er, at ein hátrýstsryggur við nógvum hita hevur verið yvir Grønlandi í summar.</div><div><br></div><div><b>Heilt óvanligt</b></div><div>Bráðningin er ekstrem, sigur danski pólgranskarin, Sebastian Mernild, frá Los Alamos national Laboratory. hann hevur sjálvur gjørt modell yvir, hvussu innlandsísurin bráðnar frá 1960 og til 2080. Hesar útrokningarnar mugu nú broytast.</div><div><br></div><div>-Tølini hjá Nasa koma púra óvart á okkum. hetta er verri enn tað, sum okkara modell vísa fyri framtíðina, sigur Sebastian Marnild við AFP-tíðindastovuna.</div><div><br></div><div>Um allur innlandsísurin bráðnar, verða heimshøvini 7 metrar hægri.</div><div><br></div>
