Seta spakan í

Útbyggingin er 1450 fermetrar, og harumframt verða bygningar bygdir saman. Herfyri varð skrivað undir sáttmálarnar við arbeiðstakararnar um útbyggingina.

Síðani farið varð undir matvøruútbúgvingina í Klaksvík, hevur tørvur verið á betri hølisviðurskiftum. Í hesm sambandi verða umstøðurnar til HF eisini bøttar, og Tekniski Skúli fer eftir útbyggingina at hýsa báðum hesum útbúgvingunum.

Eisini verða aðrar dagføringar gjørdar á skúlanum, upplýsir Landsverk. Sambært verklagslógini eru tilsamans 36 mió. krónur settar av til at útbyggja Tekniska Skúla í Klaksvík.