Uppsjóvarvirkið á Tvøroyri í gongd

Nýggja uppsjóvarvirkið á Tvøroyri, Varðin Pelagic, er nú um at vera til reiðar at fara undir at bjóða upp á heilar lastir av uppsjóvarfiski

Nýggja uppsjóvarvirkið á Tvøroyri, Varðin Pelagic, er um at vera tilreiðar at byrja arbeiðið av álvara.

Ingi Samuelsen

Grækaris Djurhuus Magnussen

24.07.2012 - 17:37

<div>Í dag er Tróndur í Gøtu á Tvøroyri og landar 200 tons av makreli og sild. Hetta er fyrstu ferð, at skip landar beinleiðis til nýggja virkið. Higartil hava royndir verið gjørdar á virkinum við smærri nøgdum av fiski, sum eru fluttar suður í bilum.</div><div><br></div><div><b>Royna pumpuskipanina</b></div><div><br></div><div>Í dag royna teir so fyri fyrstu ferð pumpuskipanina, sum pumpar fiskin inn á virkið, og eisini førir sjógvin, sum fiskurin er í, umborð aftur á skipið.</div><div><br></div><div>Bæði sild og makrelur er í lastini, so tá fongurin er komin inn á virkið verður hann fyrst sorteraður í støddir, síðan verður fiskurin frystur heilur.</div><div><br></div><div>Sambært Boga Jacobsen, stjóra á Varðanum Pelagic eru tey ikki enn klár við maskinunum, ið skulu flakaskera fiskin.</div><div><br></div><div>Umleið 25 fólk eru til arbeiðis á Varðin Pelagic í løtuni.</div>