Flemish Cap: Triðingurin av kvotuni fiskaður

Umleið ein triðingur av toskakvotuni á Flemish Cap er fiskaður.

Norðlýsið skrivar, at til 26. februar vórðu fiskað 1249 tons. Trolarin Brestir hevur fiskað nógv mest, 442 tons, síðani skipið fór úr Føroyum um hálvan januar. Jóanis Nielsen skrivar á sínari heimasíðu, at Brestir er í St. Pierre og landar.

Váðasteinur var fyrsta línuskipið, sum fór yvir, og hann hevur landað einaferð í Føroyum, og er á veg yvir aftur. Kambur hevur fiskað 117 tons, Klakkur 62, Phoenix 109, Sjagaklettur 197, og Vesturleiki 185 tons.