Útisiglarar fegnast um at fáa serskipan

Felagið hjá útisiglarum og teimum, sum arbeiða í frálandavinnuni, vóna, at uppskotið um pensjónsskattin verður samtykt

Dánjal Jákup Meinertsson, formaður í Antares, fegnast um broytingarnar í pensjónsskipanini, sum er á veg.

04.07.2012 - 09:56

<div>Føroyingar, sum sigla við útlendskum farmaskipum ella arbeiða í frálandavinnuni, vóna nú, at løgtingið fer at samtykkja uppskotið hjá Fíggjarmálaráðnum um pensjónsskattin. </div><div><br></div><div>Felag teirra, Antares, fegnast um loysnina, sum Fíggjarmálaráðið boðaði frá fríggjadagin.</div><div><br></div><div>- Vit taka undir við fráboðaðu loysnini og vóna, at løgtingið ger tað sama, sigur Dánjal Jákup Meinertsson, formaður í Antares. </div><div><br></div><div>Hann sigur, at nú trupulleikarnir við pensjónsskattingini tykjast loystir, vónar felagið, at greiða eisini fæst á inntøkuskattingina eftir ólavsøku.</div><div><br></div><div>Fíggjarmálaráðið kunngjørdi fríggjadagin, at føroyingar, sum hava útlendskan arbeiðsgevara og útlendskan eftirlønarveitara, kunnu sleppa undan, at eftirlønin verður skattað við inngjaldi. Lógaruppskot um hetta kemur í tingið á ólavsøku.</div><div><br></div><div><b>Serskipan</b></div><div><br></div><div>Uppskotið verður um eina serskipan, sum føroyingar, sum hava útlendskan arbeiðsgevara og útlendskan eftirlønarveitara, kunnu velja. </div><div><br></div><div>Taks hevur ongan myndugleika yvir útlendskum arbeiðsgevarum ella pensjónsfeløgum. Taks kann tí ikki áleggja teimum at fylgja ásetingunum í føroysku rentutryggingarlógini, millum annað ásetingini um at skatta inngjaldið ásannar Fíggjarmálaráðið.</div><div><br></div><div>Eftir at lógarásetingin um skatting av eftirlønum við inngjald frá 1.juli 2012 eisini fevnir um útlendskar eftirlønarskipanir, kundu føroyingar, sum arbeiða uttanlands, komið í vanda fyri at fáa eina stóra eyka skattarokning. Eisini kundu tey í ringasta føri fingið eftirlønina skattaða tvær ferðir.</div><div><br></div><div><br></div><div><br></div>