- Tíðindi, mentan og ítróttur
Partaeigarar í Amagerbankanum umhugsa at stevna
<p>Partaeigararnir í kollsiglda Amagerbankanum kanna nú, um grundarlag er fyri at stevna myndugleikunum í kjalarvørrinum av húsaganginum í bankanum, skrivar Jyllands-Posturin.</p><div><br></div><div>Felagið hjá partaeigarunum, Dansk Aktionærforening, hevur tikið stig til kanningina.</div><div><br></div><div>Niels Mengel, formaður í partaeigarafelagnum, sigur, at tað er ein spurningur, um Amagerbankin yvirhøvur skuldi latið aftur. </div><div><br></div><div>Samstundis hevur kamaradvokaturin endurskoðað metingina, hvussu nógv kreditorarnir eiga at fáa aftur.</div><div><br></div><div><b>Kreditorarnir fáa meiri</b></div><div><br></div><div>Tá Aamagerbankin læt aftur, kundu kreditorarnir vænta at fáa umleið 60 prosent av tí, teir áttu til góðar, afttur. Fimm mánaðir eftir húsagangin varð talið hækkað upp í 85 prosent, og nú er líkt til, at kreditorarnir kunnu vænta sær enn meiri.</div><div><br></div><div>Niels Mengel sigur, at hetta bendir á, at aðrir møguleikar vóru enn at lata bankan fara, eitt nú at endurreisa hann. </div><div><br></div><div>Men hesum vísir stjórin í Fíggjarligum Støðufesti, Henrik Bjerre-Nielsen, aftur.</div><div><br></div><div>Hann sigur, at treytin fyri at endurreisa bankan var, at onkur setti pening í. Og tað var eingin áhugi fyri at seta pening í Amagerbankan, tá freistin var úti, sigur Henrik Bjerre-Nielsen við Jyllands-Postin. </div><div><br></div><div>BankNordik keypti tann sunna partin av Amagerbankanum, sum nú verður rikin undir navninum BankNordik.</div>
