Hestur fær ongan tunnil

Tað er greitt, nú Rættarnevndin hevur skrivað álit í málinum um Skálafjarðartunnilin og Sandoyartunnilin.

Rættarnevndin hevur havt Útoyggjafelagið á fundi, og borgarstjórin í Havn, Heðin Mortensen, hevur eisini mælt til at knýta Hest upp í verkætlanina. Rættarnevndin hevur kortini ikki tikið áheitanina frá teimum til eftirtektar, men hevur heldur valt at halda seg til politisku avtaluna, sum floksformenninir hava gjørt. 

Tað verður sostatt ikki hesi næstu árini, at tað verður koyrandi út í Hest.

Samgonguumboðini og Páll á Reynatúgvu úr Tjóðveldi mæla Løgtinginum til at samtykkja uppskotið. Hitt andstøðuumboðið, Kristin Michelsen, tekur støðu í tingsalinum.