- Tíðindi, mentan og ítróttur
Svínakrímið kravdi nógv fleiri mannalív
<p>Svínakrímið í 2009 kravdi í minsta lagi 284.500 mannalív. Tað eru 15 ferðir fleiri enn hildið, tí fyrstu uppgerðirnar vildu vera við, at svínakrímið kravdi 18.500 mannalív.</p><div><br></div><div>Tað siga altjóða granskarar í einari nýggjari frágreiðing, sum er kunngjørd í viðurkenda tíðarritinum Lancet Infectious Diseases.</div><div><br></div><div>Granskarar siga, at talið kann verða enn størri - 579.000 fólk kunnu verða deyð av sjúkuni, siga teir.</div><div><br></div><div>Tá heimsins heilsustovnur, WHO, uppunaliga segði, at 18.500 fólk vóru deyð av svínakrími, var tað tí, at starvsstovukanningar váttaðu talið. Men WHO legði dent á, at talið helst var ov lágt.</div><div><br></div><div><b>Tey flestu í Afrika og Landsynningsasia</b></div><div><br></div><div>Sjúkan rakti Afrika og Landsynningsasia meint, tí sjúkrahúsverkið varð ikki ført fyri at ávísa smittuna. 59 prosent av teimum, sum doyðu, búðu í Afrika og Landsynningsasia. </div><div><br></div><div>Svínakrímið varð fyrstu ferð staðfest í Meksiko í mars 2009. Ein mánað seinni hevði sjúkan breitt seg til Kalifornia, har ein 10 ára gomul genta varð smittað. Í 2009 varð smittan staðfest í 74 londum.</div><div><br></div><div>Árið eftir - í august 2010 - kunngjørdi WHO, at sjúkan varð bast. </div>
