- Tíðindi, mentan og ítróttur
Ísrael kann samstarva við egyptisku stjórnina
<p>Ísrael heldur góðar møguleikar vera at samstarva við nýggju egyptisku stjórnina, hóast nýggi forsetin horyir til Muslimska Brøðralagið.</p><div><br></div><div>Tá tað frættist, at Mohamed Morsi hevði vunnið forsetavalið í Egyptalandi, søgdu fleiri ísraelskir viðmerkjarar seg stúra. Men Benjamin Netanyahu, forsætisráðharri, er bjartskygdur:</div><div><br></div><div>- Vit vænta okkum gott samstarv við nýggju egyptisku stjórnina, við støði í friðaravtaluni millum Egyptaland og Ísrael, segði Netanyahu fyri tíðindafólkum eftir ein fund við russiska forsetan, Vladimir Putin, í Jerusalem. </div><div><br></div><div>- Friður er av størsta týdningi fyri Ísrael og Egyptaland, segði ísraelski forsætisráðharrin.</div><div><br></div><div>Ehud Barak, verjumálaráðharri, er meira varin. Hann sigur, at við nýggju valdsharrunum í Egyptlandi eru bæði møguleikar og avbjóðingar.</div><div><br></div><div>Mohamed Morsi hevur sagt, at hann ætlar at endurskoða friðaravtaluna við Ísrael. Tó hevur hann einki sagt um, at Egyptaland ætlar at ógilda avtaluna. </div>
