- Tíðindi, mentan og ítróttur
Flokkurin Høgra best undirtøku í Noregi
<div>Flokkurin Høyre hevur gingið støðugt fram í seinastu veljarakanningunum, og stendur nú at fáa 32 prosent av atkvøðunum. Á Stórtingsvalinum í 2009 fekk Høgra einans 17,2 prosent og var triðstørsti flokkur eftir Arbeiðaraflokkin og Framsóknarflokkin. Høgra hevur ikki havt so góð veljaratøl síðan 1987, skrivar NRK á netinum.</div><div><br></div><div>Arbeiðaraflokkurin gongur aftur. Flokkurin fær í dag 30,2 prosent av atkvøðunum í mun til 35,4 prosent á seinasta stórtingsvali. Eisini Framsóknarflokkurin gongur aftur. Høgravendi flokkurin fær nú 16,2 prosent av norsku atkvøðunum í mun til 22,9 á valinum seinast.</div><div><br></div><div>Meðan arbeiðaraflokkurin gongur aftur, so gongur tað nakað betur fyri flokkarnar, sum sita í stjórnini saman við Arbeiðaraflokkin. Miðflokkurin fær nú 5,5 prosent, sum er nakað minni enn við valið seinast, men sum kortini er ein munandi framgongd í mun til seinastu veljarakanningarnar.</div><div><br></div><div>Hin lítli stjórnarflokkurin, Sosialistiski Vinstriflokkurin, gongur eisini fram í mun til undanfarnar veljarakanningar, og fær nú 5,3 prosent av atkvøðunum. Vinstra fær 4,5 prosent og Kristiligi Fólkaflokkurin 4,1 prosent. Hesir báðir flokkarrnir eru mið-høgraflokkar.</div><div><br></div><div>Um hesi tølini halda, so kundu høgraflokkarnir - tað eru Høgra, Framsóknarflokkurin, Kristiligi Fólkaflokkurin og Vinstra - skipað stjórn við tilsamans 100 av teimum 169 limunum í Stórtinginum.</div><div><br></div><div>Veljarakanningin vísir eisini, at framgongdin hjá Framsóknarflokkinum seinastu árini fullkomiliga er steðgað upp. Hetta kann gera tað lættari at fáa eina breiðari borgarliga stjórn. Bæði í Kristiliga Fólkaflokkinum og í Vinstra eru nógv sera ivingasam til eitt samstarv við Framsóknarflokkin, ið millum annað er kendur fyri at hava nógvar stuðlar sum ynskja at steðga tilflyting til Noregs og annars eru ivasom til fólk úr øðrum heimspørtum.</div><div><br></div>
