- Tíðindi, mentan og ítróttur
Tey ungu eru blandingsmisnýtarar
<div>Fleiri ung koma í viðgerð, og fleiri verða viðgjørd fyri rúsevnamisnýtslu. </div><div><br></div><div>Og blandingsmisbrúk vindur upp á seg. Tað eru fólk, sum bæði brúka alkohol og rúsevni. </div><div><br></div><div>Tað er støðan á Blákrossheiminum, sum hevur kunngjørt ársfrágreiðing fyri 2011.</div><div><br></div><div>Nógv fleiri verða nú viðgjørd fyri blandingsmisbrúk. Hetta er ein óheppin gongd, sum eigur at verða tikin í álvara, sigur leiðslan á Blákrossheiminum. Næstan helvtin av teimum, sum eru í viðgerð á heiminum, eru blandingsmisnýtarar. </div><div><br></div><div><b>Øll drekka</b></div><div><br></div><div>Í Føroyum drekka at kalla øll, sum brúka rúsevni, eisini. Helst, tí tað er ikki so lætt altíð at fáa fatur í rúsevnum. Fleiri og fleiri ung, fólk millum 18 og 30 ár, leita sær hjálp á Blákrossheiminum. Tey vóru 23 í fjør. Fyri bara fimm árum síðani vóru tey fýra. </div><div><br></div><div>Tey ungu brúka sterk rúsevni saman við alkoholi.</div><div><br></div><div>Blákrossheimið vil hava eitt serstakt viðgerðartilboð til ung og hevur gjørt Almannamálaráðnum og Heilsumálaráðnum varug við hetta, stendur í ársfrágreiðingini. </div><div><br></div>
