Arbeiðssamir pensjónistar

52 prosent av føroyskum monnum í aldursbólkinum 65 til 74 ár eru á arbeiðsmarknaðinum. 41 prosent av íslendingum í hesum aldursbólkinum eru á arbeiðsmarknaðinum, og í Norra eru bara 16 prosent av teimum millum 65 og 74 ár á arbeiðsmarknaðinum.

32 prosent av føroysku kvinnunum í hesum aldursbólkinum eru á arbeiðsmarknaðinum, eitt prosent meira enn í Íslandi.

Hagstovan heldur serliga orsøkina vera, at pensjónsaldurin í Føroyum og Íslandi er hægri enn í hinum londunum.