- Tíðindi, mentan og ítróttur
Faroe Pelagic byggir frystigoymslu
<div>Faroe Pelagic fer nú at byggja frystigoymslu á havnarlagnum í Kollafirði. </div><div><br></div><div>Tórshavnar kommuna gav á býráðsfundi í gjárkvøldið Faroe Pelagic loyvi at langtíðarleiga eitt 4.600 fermetra stórt øki á havnarlagnum í Kollafirði at byggja á. Hetta er økið millum frystigoymsluna hjá Samskip og uppsjóvarvirkið hjá Faroe Pelagic.</div><div><br></div><div>Við at byggja egna frystigoymslu, fær Faroe Pelagic betri stýrt øllum liðum í framleiðsluni - frá tí, at rávøran verður keypt, til lidna vøran verður avskipað. Faroe Pelagic fer tó framhaldandi at hava tørv á at brúka frystigoymsluna hjá Samskip til virksemið hjá felagnum í Kollafirði. </div><div><br></div><div>Faroe Pelagic byrjaði sítt virksemi í desember 2009. Síðan virkið læt uppaftur, eru fleiri útbyggingar gjørdar, og framleiðsluorkan er í løtuni umleið 900 tons um samdøgrið. Men málið er at koma upp á 1200 tons. </div><div><br></div><div>Faroe Pelagic ætlar eisini goymlsuna til pakkitilfar. Tí hevur virkið eisini fingið játtað eitt 350 fermetra lendi á havnarlagnum í Kollafirði til hetta endamál. </div>
