Tjaldingarovasti á G!

Tjalding og tjaldarar hava øll árini verið ein stórur partur av góða lagnum á G! Festivalinum.

Tískil roynir festivalurin altíð at menna og betra um umstøðurnar á tjaldingarøkinum, so at tey vitjandi á altíð fáa eina góða uppliving.

Sum liður í hesari menning, hevur festivalurin fyri fyrstu fer sett ein tjaldingarovasta, sum skal vera við til at betra tjaldingarøkið.

Laura Olsen er sett sum tjaldingarovasti á G! Hon hevur verið knýtt at festivalinum í fleiri ár og kennur tískil allar mannagongdirnar á festivalinum. 

Tjaldingarovastin fer at vera eitt slag av umboð fyri tjaldararnar og tann, tey kunnu venda sær til við rísi og rósi.