- Tíðindi, mentan og ítróttur
CO2-útlátið minkar skjótt í Keypmannahavn
<div>Í Keypmannahavn er CO2-útlátið minkað við einum fimtaparti fýra ár fyrr enn ætlanin er, og málið er, at einki CO2 útlát skal vera í Keypmannahavn í 2025. </div><div><br></div><div>Tá skal Keypmannahavn eisini vera heimsins fyrsti høvuðstaður, har einki CO2-útlát er.</div><div><br></div><div>Málið við minkaða útlátinum er nátt, hóast fólkatalið í Keypmannahavn er økti við 10 prosentum, og virksemið í býnum er vaksið við fimm prosentum í sama tíðarskeiði.</div><div><br></div><div>Umhvørvisborgarstjórin í Keypmannahavn, Ayfer Baykal, fegnast um gongdina. </div><div><br></div><div>Hon fegnast um, at ætlaða málilið verður hildið, og hon heldur gongdina í Keypmannahavn vera eitt greitt tekin tikl aðrar býir, og til allan heimin um, at tað ber til at minka um útlátið av vakstrarhúsgassum.</div><div><br></div><div>Orsøkin til at dálkingin minkar, er, at orkan frá varandi orkukeldum og at eitt orkuverk á Amager minkar um nýtsluna av koli, men nýtir biomassa ístaðin. </div><div><br></div><div>Nógv av húsunum í Keypmannahavn fáa sína orku frá tí verkinum.</div><div><br></div><div>Kommunan í Keypmannahavn fer í næstu viku at almannakunngera ætlaninar til 2025, tá einki CO2 útlát skal vera. </div><div><br></div><div>Men tað krevur samstarv ímillum kommununa, fyritøkurnar í býnum og fólkið, sigur Ayfer Baykal, borgarstjóri í orku- og umhvørvismálum.</div>
