Soleiðis sær skráin fyri Føroya-vitjanina út

Norski forsætisráðharrin skal fyrrapartin á politiskan fund í Tinganesi, á tíðindafund og luttaka í borðhaldi í Kirkjubø.

Arkivmynd

Ingi Samuelsen

Finnur Koba

18.05.2012 - 08:33

<div>Kl. 8.55 er politiskur fundur í Tinganesi. Evnið er samstarvs- og vinnuviðurskiftir millum Føroyar og Noreg, so sum fiskivinna, alivinna, olju- og gassvinnan, støðan í Arktis og framtíðar samstarvsmøguleikar.</div><div><br></div><div>Kl. 9.45 verður tíðindafundur í Tinganesi.</div><div><br></div><div>Kl. 10.30 er Tórshavnar Kommuna vertur fyri borðhaldi í Kirkjubø.</div><div><br></div><div>Stoltenberg fer avstað aftur við serflogfarið um middagsleitið.</div><div><br></div><div>Hetta var fyrstu ferð síðan Per Borten vitjaði Føroyar í 1966, at vit hava vitjan av einum sitandi norskum forsætisráðharra. Á kvøldsetuni í Norðurlandahúsinum í gjárkvøldið helt Jens Stoltenberg, at tað er ov galið, at tað skal ganga so long tíð millum vitjanirnar.</div><div><br></div><div>Eftir kvøldsetuna í gjár, var landsstýrið vertur fyri einum døgurða í Mullers Pakkhúsi í Havn.</div><div><br></div><div>Í røðu síni her, legði Kaj Leo Holm Johannessen, løgmaður, dent á longu søguligu sambondini millum Føroyar og Noreg.</div><div><br></div><div>Sum minni um Føroyavitjanin fekk Jens Stoltenberg handað eitt avrit av elsta varðveitta føroyska handritinum, Seyðabrævinum. Seyðabrævið er prógv um eina forna norska lóg, ið varð galdandi lógartekstur í Føroyum í mong ár.</div>