- Tíðindi, mentan og ítróttur
Húsalánsgrunnurin fer at veita realkredittlán
<p>Húsalánsgrunnurin fer nú at bjóða realkredittlán, sum verða bíligari enn realkredittlánini, bankarnir kunnu veita, skrivar Sosialurin.</p><div><br></div><div>Samráðingar eru við eitt danskt realkredittfelag, og tær ganga so mikið væl, at ein avtala væntandi verður gjørd fyri summarfrítíðina, sigur Andras Róin, stjóri í Húsalánsgrunninum.</div><div><br></div><div>Politiski myndugleikin skal góðkenna avtaluna, og Jørgen Niclasen, landsstýrismaður, sigur við Sosialin, at tá Húsalánsgrunnurin er komin við einum útspæli, verður tað viðgjørt í Fíggjarmálaráðnum. </div><div><br></div><div>Endamálið við, at Húsalánsgrunnurin eisini skal veita realkredittlán, er, at tað skal verða bíligari hjá lántakaranum.</div><div><br></div><div>Andras Róin heldur, at realkredittlánini í Føroyum eru ov dýr, tí bankarnir eftir hansara tykki taka ov stórt umsitingargjald. Realkredittlánið úr Húsalánsgrunninum skal helst verður millum eitt og hálvt annað prosent bíligari enn tað, sum bankarnir lata, sigur Andras Róin við Sosialin. </div><div><br></div><div><br></div><div><br></div><div><br></div>
