- Tíðindi, mentan og ítróttur
Grønlendingar vilja hava sterkari støðu í ES
<p>Grønland vil hava eina sterkari støðu í ES og hevur biðið ES-nevndarformannin um samráðingar um avtalur, sum eisini fevna um eitt nú umhvørvis- og ráevnismál.</p><div><br></div><div>Í vikuni hitti Kuupik Kleist, landsstyrisformaður, José Manuel Barroso, ES-nevndarformann í Brússel, og tað var á hesum fundinum, at spurningurin varð reistur.</div><div><br></div><div>Í løtuni eru samráðingar millum ES og Grønland um fiskirættindi í grønlendskum sjógvi. Men grønlendingar vilja eisini hava onnur mál á breddan.</div><div><br></div><div>Kuupik Kleist sigur við grønlendska útvarpið, at eydnast tað at víðka samsstarvið til eisini at fata um umhvørvis- og ráevnismál, fær Grønland eina sterkari samráðingarstøðu í framtíðini.</div><div><br></div><div>ES hevur longu víst áhuga fyri samvinnu í ráevnismálum.</div><div><br></div><div>Landsstýrisformaðurin væntar, at um einar tveir mánaðir verður greitt, um eitt størri samstarv kann fáast í lag við ES.</div>
