Fleiri tilburðir av listeriabakteriu í Danmark

Fýra fólk aftrat eru smittað við listeriabakteriu í Danmark. Tað boðar Statens Serum Institut frá í morgun. Frammanundan eru 20 fólk smittað.

Tey fýra eru eisini øll smittað av rullupylsuni frá Jørn A. 

Serumstovnurin kannar í løtuni, um  trý onnur eisini eru smittað við somu listeriabakteriu. 

Eingin tilburður í Føroyum

Fyribils er eingin sjúkutilburðir staðfestur í Føroyum. Miklagarður í Havn kallaði tó í farnu viku fleiri kjøtvørur aftur. Orsøkin var, at kjøtvørurnar møguliga vóru skornar við somu maskinu í Danmark, sum ein rullupylsa frá fyritøkuni Jørn A. 

Fyritøkan Jørn A. er stongd, tí listeriabakterin hevur kravt 12 mannalív. 

Listeriabakteria er ikki lívshættislig fyri frísk fólk.