Pál Joensen heiðraður í Føroyum

Í morgin verður móttøka fyri Páli Joensen í Havn og í Vági.

Fyrst verður móttøka í Baresso í SMS klokkan 11.00.

Síðani verður farið við Smyrli klokkan 13.00 til Suðuroyar, har Vágs kommuna skipar fyri móttøku í VB húsinum klokkan 16.30

Vitjað verður eisini í nýggja langhylinum, sum verður gjørdur í Oyrunum í Vági.

Pál Joensen vann tvey silvurheiðursmerkir í EM-kappingini í Berlin. Eitt í 1500 m. og hitt í 800 m.

Pál fer av landinum aftur hósdagin 4. september at venja fram ímóti HM á stuttgeil í Dubai í desember, og HM á langgeil í Kazan í august 2015.

Eisini móttøka í Keypmannahavn

Í samband við festivalin, Mítt Land á Amager fríggjadagin, verður Pál Joensen eisini heiðraður har.

Svimjisamband Føroya skrivar í tíðindaskrivi, at allir føroyingar og føroyavinir eru hjartaliga vælkomnir at koma og heiðra Páli.