Ole og Bill drekka morgunkaffi

Hvussu er statt i Føroyum eftir desember 2006, tá §266b varð víðkað til tað, hon er í dag.
Eru Føroyar blivnar meira rúmligar hjá samkyndum.
Hetta eru nøkur evni, sum verða tikin upp í morgunkaffinum í Góðan morgun Føroyar, sum verður sent beinleiðis klokkan átta úr Kaffihúsinumí Vágsbotni. Tað er listamaðurin, Ole Wich, sum vil hitta løgtingslimin Bill Justinussen. 

Grein 266b í revsilógini kom í gildi 15. desember 2006 við 17 atkvøðum fyri og 15 ímóti, hon staðfestir at samkynd skuldu verða vard ímóti niðurgerð. Miðflokkurin hevur fleiri ferð tosað ímóti at grein 266b skuldi koma í gildi í Føroyum. Tað eru tó ikki bara tingfólk úr Miðflokkinum, ið hava verið ímóti at samtykkja grein 266b, tingfólk úr mestsum øllum flokkum hava verið ímóti.