Meta av Fløtum leiðari í Heilsuhúsinum

Meta av Fløtum er sett sum leiðari fyri Heilsuhúsið hjá Tórshavnar kommunu.

Sum leiðari í Heilsuhúsinum fer Meta av Fløtum  at hava yvirskipaðu leiðsluna og ábyrgdina um hendur fyri alla Heilsu- og umsorganartænastuna, - tað er fakliga, fíggjarliga, starvsfólkaliga og fyrisitingarliga. 

Meta av Fløtum er útbúgvin sjúkrarøktarfrøðingur, og hevur leiðsluútbúgving.
 
Hon hevur drúgvar royndir sum leiðari innan eldraøkið, og hevur verið leiðari á Lágargarði seinastu sjey árini. Frammanundan var hon varaleiðari fyri Suðurstreymoyarøkið í fýra ár,  og síðan økisleiðari í eitt ár.