Skotland: Valluttøkan fer helst at seta met

Alt bendir á, at nógv fara á fólkaatkvøðu í Skotlandi hósdagin um loysingarspurningin. 

Valrættaraldurin er 16 ár.

Skotar skulu eins og amerikanarar skráseta seg sum veljarar. Freistin at skráseta seg til fólkaatkvøðuna var 2. september, og nú talt er upp, bendir alt á, at áhugin er ovurstórur. 

Av teimum 4,4 millliónunum, sum kunnu skráseta seg sum veljarar í Skotlandi, høvdu nærum 4,3 mió. skrásett seg fyri 2. september. Fara øll tey á val hósdagin, verður vallutttøkan oman fyri 97 prosent. 

Valhølini lata upp klokkan 7 hósmorgun, og lata ikki aftur fyrr enn klokkan 10 um kvøldið.

32 valdømi eru í Skotlandi, og endaliga úrslitið verður væntandi almannakunngjørt fyrrapartin fríggjadagin. Tá fæst at vita, skotar hava valt samband ella loysing. 

Seinastu veljarakanningarnar hesa vikuna benda á, at ein meiriluti fer at velja samband.