- Tíðindi, mentan og ítróttur
Ísland: Veiðuloyvi og tilfeingisgjald
<div>Íslendska stjórnin hevur samtykt eitt lógaruppskot hjá fiskimálaráðharranum um veiðuloyvi og tilfeingisgjald.</div><div><br></div><div>Uppskotið er ikki almannakunngjørt enn, men fjølmiðlarnir hava longu viðgjørt tað. </div><div><br></div><div>Veiðuloyvini verða galdandi í 20 ár, og uppsagnarfreistin er fimm ár. Eftir 20 ár kunnu loyvini leingjast. Tilfeingisgjaldið verður í tveimum, eitt grundgjald og eitt gjald, sum byggir á úrslitið hjá reiðaríunum. Tilfeingsgjaldið skal geva statskassanum okkurt um 670 mió. kr. um árið. </div><div><br></div><div>Sambært uppskotinum verða 20.000 tons av botnfiski tikin frá, áðrenn kvoturnar verða býttar. </div><div><br></div><div>Hesi 20.000 tonsini kunnu reiðarí leiga fyri at sleppa at fiska tey. Fer toskakvotan upp um 220.000 tons, fara 40 prosent av tí, sum kvotan er størri enn 220.000 tons í puljuna, sum kann leigast, og hini 60 prosentini verða býtt millum teirra, sum eiga kvotu. </div><div><br></div><div>Og ein kvotubúð hjá tí almenna skal umsita allan handil við kvotum. Møguleikin at selja kvotur verður sambært nýggja lógaruppskotinum nógv avmarkaður.</div>
