- Tíðindi, mentan og ítróttur
Úrslitið hjá Atlantsflogi vaks 10 mió. kr.
<div>Atlantsflog hevði 22,5 millónir kr. í vinningi í fjør eftir skatt. Tað vóru góðar 10 millónir kr. betri enn árið fyri.</div><div><br></div><div>Leiðslan sigur, at úrslitið var betri enn væntað og stendst av, at raksturin er vorðin effektivari, síðan felagið fór undir at tillaga virksemið í 2009</div><div><br></div><div>Árið í fjør var millum tey frægu í søguni hjá felagnum. Umsetningurin var 435 milliónir kr, 34 milliónir meiri enn árið fyri. Við rutuflogførunum flugu 193.450 ferðafólk, ið vóru 7.000 fleiri enn í 2010. Starvsfólkini vóru 166, ið var tað sama sum í 2010, men 40 færri enn í 2009.</div><div><br></div><div>- Vit hava effektiviserað raksturin munandi seinnu árini. Vit hava færri flogfør og færri starvsfólk, men fáa meira burtur úr hvørjum flogtíma. Øll í felagnum eiga heiðurin av góðu gongdini, og vit fegnast um, at leiguflúgvingin øktist 77 prosent í 2011 samanborið við 2010, sigur Magni Arge, stjóri í Atlantic Airways.</div><div><br></div><div>Avbjóðingarnar hjá felagnum eru stórar í ár. Tann 22. mars fær felagið nýggja Airbus 319-flogfarið, sum ætlandi verður sett í regluliga flúgving millum Føroyar og Danmark á 24 ára føðingardegnum 28. mars. Nýggja flogfarið kostar umleið 240 millónir kr.</div><div><br></div><div>Eginpeningurin hjá Atlantic Airways er nú 249 milliónir krónur, og solvensurin er 65%. Nevndin skjýtur upp, at partaeigararnir fáa sjey milliónir krónur í vinningsbýti.</div><div><br></div>
