Semingsroyndir byrja klokkan 10

Semingsroynd verður millum handverksmeistarar og handverkarar í dag. 

Klokkan tíggju fer Semingsstovnurin at royna at fáa semju í lag millum partarnar. 

Semingsstovnurin varð boðsendur næst-seinasta týsdag, tí tá ásannaðu partarnir, at sáttmálasamráðingarnar, sum byrjaðu 17.september, bóru ikki á mál.

Fýra feløg eru við í samráðingunum, Føroya Handverksmeistarafelag og Føroya Arbeiðsgevarafelag og Føroya Handverkarafelag og Landsfelag Handverkaranna.

Sáttmálarnir vóru galdandi til 1.oktober, men teir eru longdir. Boðað er ikki frá verkfalli ella verkbanni, so fyribils verður arbeitt eftir gomlu sáttmálunum.

Semingsmenn eru Terje Sigurðsson og Símun Absalonsen. Síðani teir vóru boðsendir, hava teir tosað við partarnar hvør í sínum lagi fyri at vita, hvat feløgini vænta sær av samráðingunum.

Semingsroyndin verður á Hotel Føroyum.