Býbussarnir koyrt ókeypis í átta ár

Býbussarnir í Tórshavnar kommunu hava verið ókeypis í skjótt átta ár. Men hóast tú onki rindar, tá tú fert upp í býbussarnar í Havn, so rindar tú umvegis skattin, tí árligu útreiðslurnar hjá Tórshavnar kommunu fyri býbussarnar eru 24,5 milliónir krónir.

Men ymiskt er, hvat fólk halda um tað. Vit fóru ein busstúr fyrr í dag við Sjúrði Olsen, formanni í Vinnunevndini í Tórshavnar kommunu og Marin Katrinu Frýdahl býráðslimi.