90 prosent atkvøddu fyri grundlógini í Sýrialandi

<div>Nærum 90 prosent av veljarunum atkvøddu fyri nýggju grundlógini í Sýrialandi, ið var til fólkaatkvøðu í gjár.</div><div><br></div><div>Innanríkisráðharrin í landinum sigur, at 57,4 prosent av teimum, sum høvdu vælrætt, vóru á vali, 89,4 prosent atkvøddu fyri lógaruppskotinum.</div><div><br></div><div>Andstøðan mælti til at boykotta valið, sum eitt nú USA hevur kallað láturligt.</div><div><br></div><div>Meðan fólkið í Sýrialandi skuldi á val, boða mannarættindafelagsskapir í landinum frá, at minst 34 sivilfólk doyðu í harðskapi í gjár. Harumframt doyðu 23 hermenn í skotbardøgum.</div><div><br></div><div>Andstøðan, sum í eitt ár hevur stríðst móti stýrinum hjá Assad, forseta, hevur boykottað valið, og kallar nýggju stýrisskipanina&nbsp;smyrsl.</div><div><br></div><div>Serfrøðingar í Evropa vænta heldur ikki, at valið í gjár fær nakra ávirkan yvirhøvur á fólkaræðisligu støðuna í Sýrialandi, skrivar Ritzau.</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>