10 mánaðir í fongsul fyri harðskap

Ein 45 ára gamal maður hevur fingið tíggju mánaða fongsulsrevsing fyri harðskap ella fyri at hótta við harðskapi.

Hann er eisini dømdur at rinda sakarkostnaðin. 

Maðurin er dømdur fyri at leggja á fimm politistar, sum skuldu taka ein annan mann í húsunum hjá nú dømda manninum  í Havn.

Maðurin er eisini dømdur fyri at hótta løgreglufólkini.

Kravdu 15 mánaðir

Ákæruvaldið kravdi í minsta lagi 15 mánaða fongsulsrevsing. Maðurin noktaði seg sekan í øllum ákærunum.

Maðurin varð tikin tann 14.oktober og hevur verið í varðhaldi síðani.

Tað telur við í dóminum hjá Føroya rætti, at 45 ára gamli maðurin varð royndarleysgivin, tá hann framdi lógarbrotini, hann nú er dømdur fyri.