Útflutningurin setti met í fjør

<div style="font-style: normal; ">Ongantíð áður hevur føroyski útflutningurin verið so stórur sum í fjør.&nbsp;</div><div style="font-style: normal; "><br></div><div style="font-style: normal; ">Vit útfluttu fyri útvið 5,4 milliardir krónur. Tað eru góðar 700 milliónir krónur meiri enn árið fyri, og vøksturin er 16 prosent í virði, sigur Hagstovan.</div><div style="font-style: normal; "><br></div><div style="font-style: normal; ">Hóast skipaútflutningurin fyllir nógv, er framvegis talan um metútflutning, tá skip ikki eru íroknað. Tá skip ikki verða tald við, varð útflutt fyri umleið 322 milliónir krónur meiri enn í 2010.</div><div style="font-style: normal; "><br></div><div style="font-style: normal; ">Hóast útflutningsvirðið er vaksið, er minni útflutt í nøgd. Fiskaútflutningurin er fýra prosent minni enn árið fyri. Hetta kemst av, at tað eru bara bólkarnir alifiskur og uppsjóvarfiskur, sum vaksa í nøgd. Allir hinir bólkarnir minka, serliga botnfiskurin og fiskaúrdráttir, sum t.d. fiskamjøl.</div><div style="font-style: normal; "><br></div><div style="font-style: normal; ">Størsta vøksturin í útflutningsvirði hevur uppsjóvarfiskurin. Í 2011 útfluttu vit fyri meira enn 1,1 milliard krónur, og tað eru góðar 400 milliónir krónur meiri enn árið fyri. Serliga er tað makrelurin, sum gevur henda stóra vøkstur, skrivar Hagstovan.</div><div style="font-style: normal; "><br></div><div style="font-style: normal; ">Alivinnan hevur útflutt munandi meiri av aldum fiski seinastu árini, og í fjør var vøksturin yvir 200 milliónir krónur samanborið við árið fyri. Í virði er vøksturin 15 prosen og í nøgd 29 prosent.</div><div style="font-style: normal; "><br></div><div style="font-style: normal; ">Útflutningurin av alifiski er nú oman fyri hálva aðru milliard krónur.</div><div style="font-style: normal; ">&nbsp;</div><div style="font-style: normal; ">Meðan stórur vøkstur er í útflutningi av uppsjóvarfiski og alifiski, er afturgongd í serliga tveimum bólkum.&nbsp;</div><div style="font-style: normal; "><br></div><div style="font-style: normal; ">Útflutningurin av botnfiski er minkaður 200 milliónir krónur. Størsta afturgongdin er í upsanum.&nbsp;Í nøgd minkaði útflutningurin av botnfiski meiri enn 18.000 tons í fjør.</div><div style="font-style: normal; "><br></div><div style="font-style: normal; ">Í bólkinum “fiskaúrdráttir” er størsta minkingin í fiskamjøli. Orsøkin er vøksturin í alivinnuni, soleiðis at fóðrið, ið verður framleitt í Føroyum,verður brúkt í heimligu alivinnuni heldur enn at tað verður flutt av landinum.</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div><div style="font-family: Arial, Verdana; font-size: 10pt; font-variant: normal; font-weight: normal; line-height: normal; "><i>Mynd: Tað eru serliga uppsjóvarfiskurin og aldi fiskurin, sum ger mun í útflutningstølunum fyri 2011.</i></div>