Lutakast um 18.000 tons av makreli

Lutakast um 18.000 tons av makreli
Eitt grannskoðaravirkið stendur fyri lutakastinum, og innanhýsis løgfrøðiliga ráðgevingin hjá Vørn sigur, at slíkt lutakast er lógligt.
Avger eitt reiðarí ikki at søkja um at sleppa nýggjan túr, tá tann fyrsti er liðugur, kann nummar níggju í lutakastinum sleppa framat og so framvegis, so leingi kvota er eftir.
Mynd: Savnsmynd  
 
04.01.2015 - 14:32

Týsdagin klokkan tvey verður lutakast á skrivstovuni hjá Vørn í Havn. Lutakastið verður millum 37 skip um átta makrelloyvi í ES sjógvi í 2015. Felagskvotan er knappliga 18.000 tons.

Tá eru tonsini, sum nótaskipini fáa, ikki tald við. 

Eitt grannskoðaravirkið stendur fyri lutakastinum, og innanhýsis løgfrøðiliga ráðgevingin hjá Vørn sigur, at slíkt lutakast er lógligt. 

Bara 14 skip sleppa at fiska í senn, og tí sær Vørn ongan annan útveg enn at kasta lut millum skipini, sum hava søkt.

Tó hava tey seks nótaskipini framíhjárætt, og sleppa tey øll á listan, sum ES skal góðkenna. 14 skip kunnu vera á listanum í senn. 
Avgerðin um lutakast um raðfylgjuna hjá skipunum er tikin, tí nógv fleiri umsóknir enn tey átta loyvini, sum kunnu latast afturat loyvunum hjá nótaskipunum, eru komnar. 
Og Vørn metir ikki, at serligar treytir lógliga kunnu setast teimum, sum hava søkt, treytir, sum kundu sáldað skip frá.
Skipini fáa loyvi til ein túr í senn í ES sjógvi eftir raðfylgjuni, sum lutakastið gevur. 


Avger eitt reiðarí ikki at søkja um at sleppa nýggjan túr, tá tann fyrsti er liðugur, kann nummar níggju í lutakastinum sleppa framat og so framvegis, so leingi kvota er eftir.
Higartil eru umsóknir komnar um 37 skip, men fleiri kunnu leggjast afturat, tí Vørn upplýsir, at freistin at søkja er til á midnátt í annaðkvøld.
Lutakast er roynt fyrr. Fyri nøkrum árum síðani hevði Fiskimálaráðið lutakast um loyvi at fiska botnfisk í Eysturgrønlandi, tí so nógvar umsóknir vóru og kvotan lítil.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520