TB og Dráttur í steypafinaluni

Nú er greitt, at tað verða TB og Dráttur, sum spæla steypafinaluna í flogbólti hjá kvinnum.

Báðar hálvfinalurnar vórðu spældar í ítróttarhøllini á Sandi í dag.

TB vann 3-2 á Fleyr, eftir at tær høvdu verið aftanfyri 0-2.

TB - Fleyr 3-2 (20-25, 16-25, 25-18, 25-11 og 15-11)

Dráttur skal spæla ímóti TB í finaluni.

Dráttur vann 3-1 á KÍF í hálvfinaluni. Dráttur vann tey bæði fyrstu settini, men so svaraði KÍF aftur.

Í fjórða setti var tó eingin ivi um, hvør fór at vinna. Dráttur legði hart út og var eitt skifti á odda 19-11. Fjórða settið endaði 25-18 til Drátt.

Dráttur - KÍF 3-1 (25-18, 25-16, 21-25, 25-18)

Finalan millum TB og Drátt verður spæld í Havn tann 14.februar.