Miðflokkurin: 1. februar skal vera evstamarkið

Hjá Miðflokkinum er evstamarkið fyri at fáa semju í samgonguni um fiskivinnunýskipanina 1.februar 2015.

Miðflokkurin fer rætt og slætt ikki at samráðast um fiskivinnunýskipan eftir tann dagin, uttan við andstøðuna.

Jenis av Rana, formaður Miðfloksins, er avgjørdur. Hjá Miðflokkinum skal samgongan vera liðug við fiskivinnunýskipanina 1. februar.

Eigur at bera til

Og tað eigur at bera til, sigur Jenis av Rana, tí so lítið er nú eftir at tosa um.

Ber kortini ikki til at halda evstamarkið 1.februar, er talan um vantandi vilja hjá onkrum at fáa semju, sigur Jenis av Rana.

Skal samgongan halda fram at viðgera fiskivinnunýskipan eftir 1.februar, verður tað uttan Miðflokkin, skilst á Jenisi av Rana.